Funksionet e programit të menaxhimit të parkimit Elif

Nga bileta në hyrje deri te fatura e fiskalizuar: çfarë bën ekrani i parkimit dhe si e konfiguroni.

Parkimi brenda programit tuaj të shitjes

Elif Parking është ekrani “Menaxhimi i Parkingut” në aplikacionin Elif për celular. Çdo biletë është një porosi klienti në Elif dhe çdo dalje një faturë shitjeje, ndaj parkimi del në të njëjtat raporte, arka dhe fiskalizim si pjesa tjetër e biznesit.

Klienti, mënyra e pagesës, arka, magazina dhe monedha merren nga parametrat e paracaktuar të faturës së shitjes së përdoruesit. Nëse mungon diçka, aplikacioni e thotë qartë para se të hapet bileta.

Pse Elif Parking

Pa pajisje të veçanta
Një celular dhe një printer Bluetooth zënë vendin e kompjuterit në kabinë.
Nuk ndalon pa internet
Bileta, dalje dhe faturë offline, me sinkronizim automatik kur kthehet lidhja.
Çmim pa gabime
Shuma llogaritet nga koha dhe formula e artikullit, jo me dorë.
Gjithçka në Elif
Faturat, arka dhe fiskalizimi janë ato të shitjes, në të njëjtat raporte.

01

Bileta në hyrje

Një prekje te “Biletë e re” dhe makina është brenda: ora e hyrjes ruhet dhe kuponi printohet.

Çfarë ndodh

  1. Krijohet një porosi klienti me shënimin PARKING, me datë dhe orë të hyrjes.
  2. Porosia merr klientin, artikullin e parkimit dhe çmimin nga parametrat e paracaktuar.
  3. Printeri Bluetooth printon “Kupon parkimi” me emrin e firmës, datën, orën dhe barkodin.
  4. Bileta shfaqet në listë, e zgjedhur, me numrin 10-shifror të porosisë.

Nëse printimi dështon, bileta mbetet e ruajtur. Riprintohet nga menuja e rreshtit.

Menaxhimi i Parkingut: biletat e hapura me orën e hyrjes dhe kohëzgjatjen

KUPON PARKIMI

Firma:  PARKIM DEMO SH.P.K

Data: 17/11/2026 Ora:09:42

0000001251

Gjeneruar nga 2RMLab Sh.p.k

elif.com.al / 04 45 26000

Kuponi i parkimit që printon aplikacioni

02

Lista e biletave të hapura

Çdo makinë që është në parkim, sipas radhës së hyrjes, me numrin e biletës, orën e hyrjes dhe kohëzgjatjen.

  • Kohëzgjatja rifreskohet vetë çdo 30 sekonda
  • Biletat e sotme tregojnë orën, ato më të vjetra edhe datën
  • Menuja e rreshtit: Dalje / Faturë, Dalje me çmim, Riprinto biletën
  • Biletat e hapura offline kanë shenjën e kuqe “Offline” dhe “Pa dërguar në server”
  • Rifreskimi tërheq biletat nga serveri dhe nis sinkronizimin
Menaxhimi i Parkingut: biletat e hapura me orën e hyrjes dhe kohëzgjatjen
Menuja e rreshtit: dalje me faturë, dalje me çmim dhe riprintim

03

Dalja me faturë

Në dalje aplikacioni propozon shumën me TVSH. Arkëtari e konfirmon ose e ndryshon, dhe fatura krijohet.

Hapat

  1. Zgjidhni “Dalje / Faturë” ose skanoni biletën.
  2. Shfaqet bileta me orën e hyrjes, kohëzgjatjen dhe shumën e propozuar.
  3. Konfirmoni shumën (pranohet presje ose pikë, zero lejohet, negative jo).
  4. Porosia mbyllet me orën e daljes dhe krijohet fatura e shitjes me shënimin “Parking - bileta N (orë m)”.
  5. Fatura fiskalizohet dhe printohet; bileta del nga lista.

Dy mënyra daljeje

Dalje / FaturëShuma propozohet nga formula ose orë × çmim.
Dalje me çmimFusha e shumës është bosh, për një çmim të dakordësuar: abonim, marrëveshje ose rast i veçantë.

Një biletë e faturuar nuk faturohet dy herë: aplikacioni dhe serveri e refuzojnë.

Dalja: bileta me kohëzgjatjen dhe shumën e propozuar me TVSH

04

Skanimi i biletës

Barkodi në kupon (CODE128) hap daljen e biletës menjëherë.

  • Me kamerën e celularit, nga butoni i barkodit
  • Me skaner barkodi që shkruan në fushën e kërkimit
  • Ose shkruani numrin e biletës dhe shtypni Enter
  • E njëjta biletë e skanuar dy herë brenda 1,5 sekondave lexohet një herë
  • Bileta kërkohet në listë, në celular dhe pastaj në server
  • Bileta e faturuar ose e mbyllur offline tregohet me mesazh të qartë
Numri i biletës i skanuar në fushën e kërkimit

05

Punë pa internet dhe sinkronizim

Kur nuk ka lidhje me serverin, aplikacioni nuk ndalon: biletat dhe faturat ruhen të enkriptuara në celular dhe dërgohen më vonë.

Si funksionon

  1. Bileta e re pa internet merr kodin 9 + yyMMdd + numër rendor dhe printohet me “(offline)”.
  2. Dalja pa internet ruan shumën dhe orën e daljes në celular dhe printon faturën.
  3. Sinkronizimi nis vetë çdo minutë dhe sapo kthehet interneti, ose me butonin “Sinkronizo”.
  4. Biletat dërgohen sipas radhës së hyrjes: krijohet porosia, pastaj fatura, me arsyen e vonesës “pa internet”.
  5. Bileta offline që u dërgua gjendet edhe me barkodin e printuar fillimisht.

Numri “të padërguara” lart tregon sa bileta presin. Prekeni për të parë gabimet e sinkronizimit për secilën biletë.

Pa internet: bileta offline me shenjën e kuqe dhe numrin e padërguar
Biletat e padërguara dhe gabimet e sinkronizimit

06

Formula e çmimit në Elif

Shuma propozohet nga orët × çmimi me TVSH. Për rregulla të tjera (ora e nisur, ulje pas orës së parë, tarifë ditore) artikulli lidhet me një formulë në Elif.

Si vendoset një formulë e re

  1. Në Elif hapni Mjete → Formulë artikulli dhe klikoni Shto.
  2. Emri: shpjegon formulën dhe shfaqet për t’u zgjedhur te artikulli.
  3. Formulë offline: rregulli në formatin JSON të RulesEngine, me hyrjet input.hours dhe input.item_price_with_tax.
  4. Label: identik me WorkflowName të formulës, sepse sipas tij zgjidhet formula që ekzekutohet.
  5. Te artikulli i parkimit aktivizoni “Artikull i kalkuluar” dhe zgjidhni formulën.

Shembull: ora e parë e plotë, pastaj 10% skonto

{
  "WorkflowName": "PricingWorkflowSkonto",
  "Rules": [
    {
      "RuleName": "Total_With_Tax",
      "Enabled": true,
      "Expression": "input.item_price_with_tax != null && input.hours != null",
      "Actions": {
        "OnSuccess": {
          "Name": "OutputExpression",
          "Context": {
            "Expression": "input.hours <= 1 ? input.hours * input.item_price_with_tax : (1 * input.item_price_with_tax) + ((input.hours - 1) * input.item_price_with_tax * 0.9)"
          }
        }
      }
    }
  ]
}

Formula standarde orë × çmim është sales_order_with_time. Formulat shkarkohen në celular kur konfigurimi “item_formula_offline_calculation” është aktiv, ndaj llogariten edhe pa internet.

Kujdes: formati duhet të jetë ai standard i RulesEngine. Një formulë që është përdorur nuk fshihet dhe nuk ndryshohet; për rregull të ri shtoni një formulë të re.

07

Printimi i kuponit dhe i faturës

Printimi bëhet nga printeri Bluetooth i ruajtur te cilësimet e printerit në aplikacion.

  • Kuponi i parkimit në 80 mm ose 54 mm, me barkod CODE128
  • Barkodi më i shkurtër në 54 mm, që lexohet lehtë
  • Fatura me formatin e printimit të aplikacionit: 54, 80, termik 54/80 ose 80 i madh
  • Riprintim i biletës nga menuja e rreshtit
  • Nëse printeri nuk përgjigjet, bileta ose fatura mbetet e ruajtur dhe aplikacioni paralajmëron

08

Fatura dhe fiskalizimi

Fatura e parkimit është faturë e zakonshme shitjeje në Elif, me profilin dhe llojin fiskal të paracaktuar të përdoruesit.

  • Pas faturës, nëse nuk është fiskalizuar, aplikacioni pyet nëse ta fiskalizojë tani
  • Nëse fiskalizimi dështon, fatura fiskalizohet më vonë nga lista e faturave të pafiskalizuara
  • Faturat offline dërgohen me arsyen e vonesës “pa internet”
  • Përdoruesi kontrollohet në listën e operatorëve fiskalë, me kod operatori të vlefshëm
  • Pagesa cash regjistrohet në arkën e paracaktuar

09

Cilësimet dhe parametrat

Te ikona e cilësimeve zgjidhni artikullin e parkimit. Pjesa tjetër merret nga parametrat e paracaktuar të faturës së shitjes së përdoruesit.

Nga vijnë të dhënat

ArtikulliArtikulli i zgjedhur te cilësimet e parkimit; bosh = artikulli i rreshtit të parë të faturës së shitjes së paracaktuar.
ÇmimiNga lista e çmimeve (ajo e klientit ka përparësi), ose çmimi i artikullit, me TVSH.
KlientiKlienti i paracaktuar i faturës së shitjes, p.sh. Klient Rastësor.
Pagesa dhe arkaMënyra e pagesës automatike dhe arka e paracaktuar.
MenujaShitje → Menaxhimi i Parkingut, për përdoruesit me akses te porositë e klientëve.

Para çdo bilete aplikacioni kontrollon klientin, qytetin, pagesën, arkën, monedhën, artikullin, magazinën dhe TVSH-në, dhe thotë qartë çfarë mungon.

Cilësimet e parkimit: artikulli i parkimit
Menaxhimi i Parkingut në menunë Shitje

10

Parkimi në Elif Desktop

Në kabinë me kompjuter, i njëjti parkim punon në Elif Desktop, te forma Menaxhim Parkingu. Arkëtari klikon vetëm Hyrje dhe Dalje: pjesën tjetër e plotësojnë parametrat e paracaktuar.

Si punon

  1. Hapni Shitje → Menaxhim Parkingu.
  2. Në hyrje klikoni “Hyrje / Biletë e re”: ruhet ora e hyrjes dhe printohet kuponi me barkod.
  3. Në dalje zgjidhni biletën në listë ose skanoni barkodin e kuponit te “Skano biletën”.
  4. Klikoni “Dalje / Faturë”: dritarja tregon kohëzgjatjen dhe shumën e llogaritur me TVSH, p.sh. 100 lekë nga 5 minuta deri në 1 orë.
  5. Klikoni “Paguaj”: krijohet dhe printohet fatura e shitjes me shënimin “Parking - bileta N (orë m)”.

Butonat e formës

Hyrje / Biletë e reKrijon një porosi me vlerë 0 që ruan orën e hyrjes dhe printon kuponin me numrin e porosisë si barkod.
Dalje / FaturëLlogarit shumën sipas kohës, krijon dhe printon faturën e shitjes.
Anulo biletënAnulon biletën e zgjedhur në listë.
Skano biletënBarkodi i skanuar gjen menjëherë rreshtin e biletës në listë.
CilësimetNdryshon artikullin e parkimit ose printerin e faturës. Artikulli bosh = artikulli i paracaktuar i faturës së shitjes.

11

Konfigurimi i formës në Elif Desktop

Para përdorimit, përdoruesi dhe ndërmarrja konfigurohen një herë, që arkëtari të mos ketë gjë tjetër për të bërë veç klikimit të Hyrje dhe Dalje.

Çfarë duhet plotësuar

  1. Te Përdorues → përdoruesi → “Plotësime automatike dhe konfigurime”, për ndërmarrjen e parkimit plotësoni fushat e faturës së shitjes (më poshtë).
  2. Caktoni formulën e çmimit sipas kohës te artikulli i parkimit, si te “Formula e çmimit”.
  3. Te konfigurimet e ndërmarrjes aktivizoni “Bëj kalkulimet e artikujve offline” (item_formula_offline_calculation = 1).
  4. Konfiguroni raportet e printimit për faturën dhe për kuponin e hyrjes.

Plotësimet automatike të faturës së shitjes (shembull)

Arka në monedhë bazëArka në Lek (L)
KlientiKlient Rastësor
MonedhaALL
Mënyra e pagesësMe para në dorë
Procesi i biznesitPagesë në vend
Lloji i faturësFaturë tatimore
Rreshta (artikulli)Parkim me kohë
MagazinaMagazina Qendrore

Raportet e printimit

  • Fatura e shitjes: raporti “Fature Shitje 80 Kinez” (SaleinvoiceReportZemZadja_80, \Reports\SaleInvoice\Fiscalisation), te konfigurimi sales_invoice_report_name = 5c2b1a07-1ada-4297-8365-0626e2d804e2.repx
  • Kuponi i hyrjes: raporti “POROSI PER PARKIM RUAN KOHEN E HYRJES” (SalesOrderParkingReport, New Reports), te konfigurimi sales_order_standard_report_fn = ead5f189-0838-4168-bcdc-6b46b04247b6.repx

Provojeni vetë, pa u regjistruar